Tehranda partlayış olub, ölənlər var

İranın paytaxtı Tehranın Qaleh Morgi küçəsində yerləşən binada partlayış baş verib.
Yeniavaz.com “HaberGlobal”a istinadən xəbər verir ki, bu barədə Tehran Yanğınsöndürmə İdarəsinin sözçüsü Cəlal Maleki məlumat verib.
O bildirib ki, partlayış yerli vaxtla saat 18:44-də baş verib. Bu barədə məlumatdan sonra bölgəyə 3 yanğınsöndürən maşın göndərilib:
“Partlayış binaya, eləcə də ətrafdakı tikililərə və park edilmiş avtomobillərə ziyan vurub”.
İlkin məlumata görə, partlayışa binadakı oksigen balonları səbəb olub:
“Dağıntılar altında ağır yaralanan 2 nəfər xilasetmə qrupları tərəfindən çıxarılıb, lakin onlar aparıldıqları xəstəxanada həyatlarını itiriblər”.