![](https://cdn.yeniavaz.com/uploadedfiles/custom/2021/12/8/1/8a9e0cc9-5811-4e58-88e4-5308e53bcc2c/hindistan-mi-17.jpg)
Hindistanda içində qərargah rəisinin də olduğu helikopter qəzaya uğrayıb.
Yeniavaz.com "İndia today"ə istinadla xəbər verir ki, Rusiya istehsalı olan sözügedən helikopter Mi-17 tiplidir və göyərtəsində 14 nəfər olub. İlkin məlumata görə, qəza nəticəsində 4 nəfər ölüb, 3 nəfər isə xilas edilib. Digər 7 nəfərin axtarışları davam etdirilir.
Xatırladaq ki, noyabrın 30-da da Azərbaycanda da DSX-nin Mi-17 tipli hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğramış, nəticədə 14 hərbi qulluqçumuz şəhid olmuş, 2-si isə yaralanmışdı.
Qeyd edək ki, Hindistanda 2010-cu il 19 noyabrda da Mi-17 qəzaya uğrayıb və nəticədə 12 nəfər heyət üzvündən heç kim sağ qalmayıb.
![](https://cdn.yeniavaz.com/uploadedfiles/custom/2021/12/8/1/3871167e-ce61-4986-9e85-ee7d51dbf9f4/hindistanhelikopterqeza.jpg)
.
![](https://cdn.yeniavaz.com/uploadedfiles/custom/2021/12/8/1/1f5918e5-9d4e-4951-8a8a-7f72bad37dfb/hindistanhelikopterqeza1.jpg)