![](https://cdn.yeniavaz.com/uploadedfiles/custom/2021/12/3/1/b7aad418-073e-4b75-99d7-18c4103ec43a/quba-qumbara.jpg)
Quba rayonu ərazisində üç ədəd F-1 əl qumbarası aşkarlanıb.
Daxili İşlər Nazirliyinin Mətbuat Xidmətindən verilən məlumata görə, Quba Rayon Polis Şöbəsinə (RPŞ) Quba-Xınalıq yolunun Qırız Dəhnə kəndi ərazisindən keçən hissəsində üç ədəd F-1 əl qumbarasının olması barədə məlumat daxil olub. Dərhal hadisə yerinə gedən polis əməkdaşları əl qumbaralarını aşkar edərək götürüb.
Faktla bağlı RPŞ-də araşdırma aparılır.