"Hazırda Baş Prokurorluğun istintaq idarəsində cinayət işi başlanılıb".
Yeniavaz.com xəbər verir ki, bu barədə Baş prokurorun birinci müavini Elçin Məmmədov Baku TV-yə açıqlamasında məlumat verib. Onun sözlərinə görə, şahidlərin dindirilməsi davam edir: “Eyni zamanda, meyitlərin daxili və xarici müayinəsi tamamlanıb. Hazırda intensiv qaydada istintaq hərəkətləri davam etdirilir”. E.Məmmədov əlavə edib ki, ilkin məlumat barədə heç bir fikir bildirmək olmaz:
“İstintaq nəticələri tədqiq olunmalıdır. Qara qutu hadisə yerindən götürülüb. Tədqiqatın nəticəsi və istintaqın gedişindən asılı olaraq ictimaiyyətə açıqlama veriləcək”.