![](https://cdn.yeniavaz.com/uploadedfiles/custom/2021/9/29/1/8b7f5778-172c-4db2-948e-d42c96408ff1/david-tonoyan.jpg)
Ermənistanın keçmiş müdafiə naziri David Tonoyan daha iki ay həbsdə qalacaq.
Yeniavaz.com xəbər verir ki, bu barədə “Azadlıq Radiosu”nun erməni xidmətinə sabiq nazirin vəkili Sergey Ovannisyan məlumat verib.
O bildirib ki, məhkəmə keçmiş məmurun həbsi ilə bağlı məsələyə 3 gün ərzində baxıb və qərar şənbə günü dərc olunub.
2018-2020-ci illərdə müdafiə naziri postunu tutan David Tonoyan sentyabrın 30-da Milli Təhlükəsizlik Xidmətinin əməkdaşları tərəfindən həbs edilib.
O, təxminən 4,7 milyon dolları mənimsəməkdə, saxtakarlıqda, ictimai təhlükəli əməllər törətməkdə ittiham olunur.