Fransalı jurnalist Romen Kanuti Türkiyənin “Qalatasaray” klubunu təhqir edib. O, daha sonra “Twitter”də paylaşım edərək buna görə üzr istəyib.
Yeniavaz.com xəbər verir ki, hadisə “Marsel”in UEFA Avropa Liqasının qrup mərhələsinin V turunda “Qalatasaray”a qarşı keçirəcəyi oyundan əvvəl baş verib.
Jurnalist “sarı-qırmızılılar”ın simvolu olan aslan heykəlinin üstünə çıxaraq çəkdiyi fotonu sosial şəbəkə hesablarında “aslanı əhliləşdirdim” başlığı ilə paylaşıb.
Daha sonra Kanuti sosial şəbəkədə paylaşım edərək azarkeşlərdən üzr istəyib:
“Dünən axşam mətbuat konfransından əvvəl zarafat hesab etdiyim hərəkətlə həddi aşdığımın fərqinə vardım. Buna görə “Qalatasaray” azarkeşlərindən üzr istəyirəm”.
Qeyd edək ki, bu gün oynanılacaq “Qalatasaray” – “Marsel” matçı Bakı vaxtı ilə saat 21:45-də başlayacaq.
Tətbiqimizi yükləyə bilərsiniz
