Azərbaycanda təhsil tələbə krediti almaq hüququ olan tələbələrin sayı açıqlanıb.
Yeniavaz.com xəbər verir ki, bunu təhsil nazirinin müavini İdris İsayev nazirliyin brifinqində açıqlayıb. O bildirib ki, Azərbaycanda 146 min 373 tələbə ödənişli əsasla təhsil alır: “Onlardan 98 430 nəfəri bakalavriat, 12051-i magistratura, 35892-si subbakalavriat üzrə təhsil alandır. Ödənişli təhsil alan tələbələrdən 20200 nəfəri dövlət hesabına təhsil alır. Onlardan 17500-ü bakalavriat, 1200 magistratura, 1500-ü subbakalavr üzrə təhsil alandır. Təhsil haqqı ödəyən tələblərin sayı 126173 nəfərdir. Onlardan 80930-u bakalavr, 10851-i magistr, 34392 nəfəri subbakalavr üzrə təhsil alır. Onlardan təhsil tələbə krediti almaq hüququ olanlar 56208 tələbədir. Bunlardan 40465 nəfəri bakalavr, 5426 nəfəri magistr, 10317 nəfəri isə subbakalavr üzrə təhsil alan tələbələrdir”.