“Türkiyə ilə əməkdaşlığımız hər iki ölkənin ordusunu gücləndirir” – Zelenski

Ukrayna prezidenti Vladimir Zelenski ilə Türkiyə prezidenti Rəcəb Tayyib Ərdoğan arasında telefon danışığı baş tutub. 
Yeniavaz.com xəbər verir ki, bu barədə Ukrayna prezidenti öz “Twitter” hesabında paylaşım edib: 
“Türkiyə ilə əməkdaşlığımız dərinləşir. Bu, hər iki ölkənin ordusunu gücləndirir. İmzalanması planlaşdırılan azad ticarət sazişi də iqtisadi artıma töhfə verəcək. Bu barədə Ərdoğanla telefonla danışdıq. Onunla Kiyevdə Strateji Şuranın yubiley iclasında görüşməyi səbirsizliklə gözləyirəm”.