Polşa Belarusla sərhəddə yaranmış vəziyyətlə əlaqədar qoşunların döyüş hazırlığını artırıb.
Yeniavaz.com “RİA Novosti”yə istinadla xəbər verir ki, bu barədə Polşanın müdafiə naziri Mariuş Blaşak öz tvitter səhifəsində paylaşım edib. O bildirib ki, Polşa sərhəddə miqrantlarla bağlı vəziyyətə görə qoşunların döyüş hazırlığı artırıb:
“Artıq 12 mindən çox əsgər Belarusla sərhəddə xidmət edir. Biz hazırlıq səviyyəsini yüksəltmişik. Ərazi Müdafiə Qoşunlarının 1-ci, 2-ci, 4-cü briqadalarının əsgərlərinin yüz faizi 6 saatlıq fəaliyyətə hazır vəziyyətdədir. Əsgərlər! Forma və rabitə vasitələrini yoxlayın, və yaxınlarınıza məlumat verin".
