Rusiyada qəzaya düşən təyyarədə bu ölkələrin vətəndaşları olub

Rusiyanın İrkutsk vilayətində qəzaya uğrayan “An-12” təyyarəsi ilə bağlı yeni detallar məlum olub.
Yeniavaz.com TASS-a istinadla xəbər verir ki, qəzaya uğrayan “An-12” təyyarəsinin göyərtəsində 9 nəfər olub. Onlardan 5-i ekipaj üzvü, qalan 4 nəfər isə yükü müşayiət edən şəxslərdir. Sözügedən təyyarədə olan 9 nəfərdən 4-ü Rusiya, 3-ü Belarus, 2-si isə Ukrayna vətəndaşı olub. Həlak olan şəxslərdən 6 nəfərin meyiti tapılaraq ekspertizaya təhvil verilib.