Xəbər verdiyimiz kimi, bir neçə gündən sonra Milli Məclis amnistiya verilməsi haqqında qərar layihəsini qəbul edəcək. Açıqlanan məlumatlarda qeyd olunur ki, amnistiya təxminən 15 min nəfərə şamil ediləcək. Bu həm də minlərlə məhkumun həbsxanalardan azadlığa çıxması deməkdir.
Yeniavaz.com Beynəlxalq Həbsxana Tədqiqatları Mərkəzinin (ICPS) açıqladığı məlumatlara istinadən bildirir ki, hazırda Azərbaycan hər 100 000 nəfərə düşən məhkumların sayına görə dünyada 63-cü sırada qərarlaşıb.
ICPS-nin bu ilin əvvəlinə olan məlumatında qeyd olunur ki, Azərbaycanda hər 100 000 nəfərə 210 məhbus düşür.
Məlumat üçün qeyd edək ki, bu gösrəriciyə görə Azərbaycan keçmiş SSRİ və qonşu ölkələr arasında 7-ci yerdə qərarlaşıb.
Keçmiş SSRİ və qonşu ölkələrdə son 5 ildə məhkumların sayı aşağıdakı kimi dəyişib.
| Ölkələr | Hər 100 000 nəfərə düşən məhkum sayı (nəfər) – 2021-ci il | Məhkumların ümumi sayı (nəfər) - 2021-ci il |
Hər 100 000 nəfərə düşən məhkum sayı (nəfər) – 2016-cı il |
| Türkmənistan | 576 | 30 452 | 552 (2017-ci il) |
| Türkiyə | 347 | 281 094 | 251 |
| Belarus | 345 | 32 500 | 370 |
| Rusiya | 326 | 472 226 | 448 |
| Gürcüstan | 253 | 9 143 | 251 |
| İran | 228 | 189 000 | 279 |
| Azərbaycan | 210 | 21 000 | 235 |
| Litva | 184 | 6 018 | 254 |
| Moldova | 181 | 6 500 | 227 |
| Estoniya | 168 | 2 338 | 204 |
| Latviya | 165 | 3 319 | 224 |
| Qırğızıstan | 161 | 10 142 | 167 |
| Qazaxıstan | 157 | 29 403 | 221 |
| Ukrayna | 148 | 52 609 | 201 (2015-ci il) |
| Tacikistan | 121 | 9 317 | 121 (2010-cu il) |
| Ermənistan | 74 | 2 197 | 129 |
| Özbəkistan | 68 | 22 900 | 144 (2014-cü il) |
Ümumiyyətlə dünyada ən çox məhkumun olduğu ölkə ABŞ hesab olunur. Dünyanın ən böyük iqtisadiyyatına sahib olan ABŞ-da hər 100 000 nəfərə 629 məhkum düşür. Məhkumların ümumi sayı isə ABŞ-da 2 milyon 94 min nəfər təşkil edir. İkinci sırada Türkmənistan (hər 100 000 nəfərə 576 məhkum) qərarlaşıb. İlk 5-liyi Salvador (hər 100 000 nəfərə 564 məhkum), Ruanda (hər 100 000 nəfərə 545 məhkum) və Kuba (hər 100 000 nəfərə 510 məhkum) tamamlayır.
Məhkumların ən az olduğu ölkə isə San-Marino hesab olunur. Bu ölkədə cəmi 2 məhkum var. San-Marinodan başqa Qvineya-Bisau, Mərkəzi Afrika Respublkası, Monako və Farel adaları da məhkumların az olduğu ölklər hesab olunur.
Məhkumların ən az olduğu ölkə isə San-Marino hesab olunur. Bu ölkədə cəmi 2 məhkum var. San-Marinodan başqa Qvineya-Bisau, Mərkəzi Afrika Respublkası, Monako və Farel adaları da məhkumların az olduğu ölklər hesab olunur.
