Bolqarıstanın müdafiə naziri Georgi Panayotov ölkə polisinin artan miqrant axını ilə mübarizə aparmaq üçün Türkiyə sərhədinə əlavə 350 əsgər yerləşdirdiyini açıqlayıb.
Yeniavaz.com xəbər verir ki, Panayotov məsələ ilə bağlı “bTV”-yə açıqlama verib.
Bolqarıstan Daxili İşlər Nazirliyinin məlumatına görə, bu il 6500-dən çox insan qeyri-qanuni yollarla Bolqarıstana keçməyə cəhd edib ki, bu da 2020-ci ilin ilk 9 ayı ilə müqayisədə 3 dəfə çoxdur.
Bolqarıstan Avropa İttifaqının ən kasıb üzvüdür və heç vaxt çoxlu sayda sığınacaq axtaran qəbul etməyib. Bolqarıstana daxil olmağa çalışanların əksəriyyəti qaçqın statusu ilə bağlı Sofiyadan cavab gözləmədən Aİ-yə keçməyə çalışır.
Qeyd edək ki, Bolqarıstan Aİ-nin xarici sərhədi hesab olunur və Türkiyə ilə Bolqarıstan arasındakı 259 km sərhəddən tikanlı məftil keçir.