Qəzada xəsarət alan Əməkdar artistin vəziyyəti AÇIQLANDI

Əməkdar artist Elizbar Osmanov süni tənəffüs aparatından ayrılıb.
Yeniavaz.com oxu.az-a istinadla xəbər verir ki, bu barədə 1 saylı Kliniki Tibbi Mərkəzdən bildirilib. Qeyd olunub ki, xəstənin vəziyyəti stabildir:
“Artıq iki gündür tənəffüs aparatından ayrılıb, özünə gəlib. Lakin reanimasiya şəraitində saxlanılır, vəziyyəti stabildir. Müayinə və müalicələri davam etdirilir”.
Qeyd edək ki, Əməkdar artist Elizbar Osmanovu Nəsimi rayonu ərazisində, Bakı Dövlət Sirkinin yaxınlığında maşın vurub.
Xatırladaq ki, Elizbar Osmanova Prezidentin sərəncamı ilə 16 oktyabr 2021-ci ildə “Əməkdar artist” fəxri adı verilib.