ABŞ-ın Texas ştatının Texarkana şəhərində Hellouin şənliyində baş verən atışma nəticəsində ən azı bir nəfər ölüb, daha 9 nəfər yaralanıb.
Yeniavaz.com xəbər verirki, bu barədə bazar günü yerli polis idarəsi öz Facebook səhifəsində məlumat yayıb .
Hadisə şənbə günü yerli vaxtla saat 23:56-da (Bakı vaxtı ilə bazar günü 08:56) baş verib. Zərərçəkənlər xəstəxanaya çatdırılıb, onlardan biri az sonra orada ölüb.
Hüquq-mühafizə orqanlarının hesablamalarına görə, atışma zamanı şənlikdə ən azı 200 nəfər olub.
Polis hələ də hücum edən şəxsi saxlamayıb. İstintaqın ilkin nəticələrinə görə, qonaqlar arasında mübahisə atışmaya səbəb olub.