Bloqerin həyat yoldaşı döyülərək öldürülüb? - Rəsmi açıqlama

Bakıda 37 yaşlı kişinin qəflətən ölməsi barədə araşdırma aparılır.
Yeniavaz.com xəbər verir ki, bu barədə Baş Prokurorluğun Mətbuat Xidmətindən bildirilib. Qeyd olunub ki, paytaxt sakini 1984-cü il təvəllüdlü Kamal Namazovun yaşadığı evdə ölməsi barədə Nəsimi rayon prokurorluğuna məlumat daxil olub.
K.Namazovun ölümünün səbəbinin müəyyən edilməsi üçün məhkəmə-tibb ekspertizası təyin edilib.
Hazırda faktla bağlı rayon prokurorluğunda araşdırma davam etdirilir.
Qeyd edək ki, K. Namazovun beş gün əvvəl bloqer Ayşən Mirzəyeva ilə nigaha daxil olduğu bildirilir.