Gürcüstanın paytaxtı Tbilisidə “Ceyms Bond”un seçki plakatı asılıb.
Yeniavaz.com xəbər verir ki, bu barədə “Sputnik Georgia” məlumat yayıb.
Naməlum şəxslər paytaxtda aktyor Daniel Kreyqin “Ceyms Bond” kimi təsvir edildiyi seçki plakatlarını asıblar.
“Bond”un portretinə, “Ortalığı qarışdırmağa vaxt yoxdur” yazılıb. Bu, İngiltərə xüsusi agenti barədə çəkilmiş - “Ölməyə vaxt yoxdur” filminin adı ilə əlaqəlidir.
Qeyd edək ki, Gürcüstanda yerli özünüidarə orqanlarına keçirilən seçkilərin ikinci turu oktyabrın 30-na təyin edilib.