İcbari Tibbi Sığorta üzrə Dövlət Agentliyinin keçirdiyi tender müsabiqəsinin qalibləri müəyyənləşib.
Yeniavaz.com xəbər verir ki, Agentlik ümumi olaraq rentgen və digər diaqnostik vasitələrin satın alınması üçün 1 milyon 963 min 307 manat 60 qəpik ödəyəcək.
Belə ki, qurum "Araş" Firmasına 831 min 900 manat, "Yurd Pharma" MMC-yə 23 min 600 manat və "MEDSOL" MMC-yə isə 1 milyon 107 min 807 manat 60 qəpik verəcək.
Məlumat üçün qeyd edək ki, "Araş" Firmasının 5 min 196 manat 6 qəpik vergi borcu var.
Xatırladaq ki, vergi borcu olan şirkətlərin tenderdə iştirakı “Dövlət Satınalmaları haqqında” Qanunun 6.2.5-ci maddəsinin tələblərinə görə də mümkün deyil.