Vətən müharibəsi şəhidi gizir ixtiyar Əliyev dəfn edilib.
Yeniavaz.com Report-a istinadən xəbər verir ki, şəhid rayonun Goranlı kənd qəbiristanlığında dəfn olunub.
Dəfn mərasimində şəhidin yaxınları ilə yanaşı, Goranboy Rayon İcra Hakimiyyətinin rəhbərliyi, hüquq-mühafizə orqanlarının əməkdaşları, ictimaiyyət nümayəndələri iştirak ediblər.
Qeyd edək ki, Baş prokurorluq Vətən müharibəsində itkin düşən daha bir hərbi qulluqçunun kimliyinin müəyyən edilməsi ilə bağlı məlumat yayıb.
Məlumatda bildirilib ki, şəhidin valideynlərinin istəyi ilə təkrar keçirilən DNT analizlərinin cavablarına əsasən şəhid olan hərbi qulluqçunun İxtiyar Əliyev olduğöu təsdiq edilib.
*** 12:09
Vətən müharibəsi zamanı itkin düşən və dünən şəhid olduğu məlum olan gizir İxtiyar Əliyevin nəşi ailəsinə təhvil verilib.
Yeniavaz.com Report-a istinadən xəbər verir ki, hazırda onun ailəsinin yaşadığı Goranboy rayon Goranlı kəndində Şəhidlə vida mərasimi keçirilir.
Mərasimdə şəhidin yaxınları, hərbçi yoldaşları, qazilər, ictimaiyyət nümayəndələri və sakinlər iştirak edir. Vida mərasimindən sonra Şəhid Goranlı kənd qəbiristanlığında dəfn olunacaq.
Qeyd edək ki, 1994-cü il il təvəllüdlü gizir İ.Əliyev Vətən müharibəsində kəşfiyyat taborunda olub. Sonuncu dəfə oktyabrın 6-da Ağdərə istiqamətində gedən döyüşlər zamanı ondan məlumat alınıb. Həmin gündən sonra yaxınları ondan bixəbər idi. Bir müddət öncə itkin hesab edilən 7 hərbiçilərimizdən birinin nəşi tapılıb. Dünən isə tapılan nəşin İ.Əliyeva məxsus olduğu təsdiqlənib və onun Şəhid olduğu məlum olub.
Mərhum ailəli idi, övladı isə yoxdur.
Allah rəhmət eləsin!