Üç Milli Parkın direktoru işdən çıxarılıb - RƏSMİ

2021-ci ilin ötən dövrü ərzində vəzifəsindən azad edilən Milli Park direktorlarının sayı açıqlanıb. 
Yeniavaz.com oxu.az-a istinadla xəbər verir ki, bu barədə Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəisi Firuddin Əliyev bildirib.  
Onun sözlərinə görə, 2021-ci ilin ötən dövrü ərzində öz vəzifə funksiyalarını layiqincə yerinə yetirə bilməyən əməkdaşlar olub:
“Bu ilin ötən dövrü ərzində üç Milli Parkın direktorunun əmək müqaviləsinə xitam verilib, bir neçə əməkdaş barəsində isə inzibati qaydada tədbir görülüb”.