Avropa-Aralıq dənizi Seysmoloji Mərkəzi Pakistanın cənubunda 5,7 bal gücündə zəlzələ baş verdiyini açıqlayıb.
Yeniavaz.com “TASS”a istinadla xəbər verir ki, təbii fəlakət nəticəsində 20 nəfər ölüb, 300-dən çox insan xəsarət alıb. Qeyd olunub ki, yeraltı təkanların episentri Quetta şəhərindən 102 km şimal-şərqdə yerləşir. Zəlzələnin mənbəyi 10 km dərinlikdə olub və Quetta, Sibbi, Pişin, Çaman, Bəlucistan əyalətlərində, həmçinin bir sıra digər şəhərlərdə hiss edilib.
Ölən və yaralananların sayının artacağı istisna olunmur.