Ukrayna Müdafiə Nazirliyi və “Baykar” şirkəti, Türkiyənin Bayraktar pilotsuz uçuş aparatlarına xidmət göstərmək və işçilərinə təlim keçmək üçün Kiyev bölgəsində təlim və sınaq mərkəzinin inşasına dair memorandum imzalayıb.
Yeniavaz.com TASS-a istinadla xəbər verir ki, bu barədə Ukrayna Prezidentinin mətbuat xidməti məlumat yayıb.
"Bu, irəliyə doğru atılan böyük bir addımdır. Prezident Ərdoğana minnətdaram. Bu, Ukraynanın suverenliyi və müstəqilliyinə əsl dəstəkdir"- deyə Zelenski bildirib.
Xidmət mərkəzində pilotsuz uçan aparatlara texniki xidmət, cari təmir, modernləşdirmə mərkəzi fəaliyyət göstərəcək. Mərkəz həmçinin PUA-nı idarəsi üçün kadrların təhsili və təlimini həyata keçirəcək.