Son bir həftə ərzində Rusiyada koronavirusdan ölənlərin sayı pandemiya başlayandan bəri rekord həddə çatıb.
Yeniavaz.com “TASS”a istinadla xəbər verir ki, Rusiya federal əməliyyat qərargahının məlumatlarına görə, son bir həftədə COVİD-19-dan ölənlərin sayı 5 min 682-yə çatıb. Bu rəqəm pandemiya başlayan bu günə qədər ən yüksək rəqəmdir.
Qeyd edək ki, Rusiyada koronavirus infeksiyasına yoluxma halları ardıcıl ikinci həftədir artmaqdadır. Bu günə qədər həmin ölkəfə 7 milyon 420 min 913 nəfər koronavirusa yoluxub, 203 min 900 nəfər isə ölüb.