Müstəqil Dövlətlər Birliyinə (MDB) daxil olan ölkələr arasında nominal orta aylıq əmək haqqına görə hər zaman olduğu kimi bu dəfə də Rusiya ilk sırada qərarlaşıb.
Yeniavaz.com MDB-yə üzv olan dövlətlərin rəsmi qurumları tərəfindən açıqlanan sonuncu statistik göstəricilərə istinadən bildirir ki, Rusiyada orta aylıq əmək haqqı 807 dollara (58 min 782 rubl) bərabər olub.
Rusiyadan sonra ikinci sırada Qazaxıstan qərarlaşıb. Bu ölkədə orta aylıq əmək haqqı 591 dollar (251 min 508 tengə) olub.
Azərbaycan bu siyahıda 5-ci sırada yer alıb. Azərbaycanda orta aylıq əmək haqqının məbləği 428 dollar (728,5 manat) olub.
Ermənistanda isə orta aylıq nominal əmək haqqı Azərbaycanla müqayisədə 1 dollar az olub. Ermənistanda orta aylıq əmək haqqının məbləği 427 dollar (206 297 dram) olub.
MDB-nin digər ölkələrinə gəldikdə isə orta aylıq əmək Belarusda 589 (1 472 rubl), Ukraynada 537 (14 min 345 qrivna), Qırğızıstanda 244 (20 min 715 som), Özbəkistanda 250 (2 min 673 som), Tacikistanda isə 136 dollara (1 535 somoni) bərabər olub.
Ölkələr | Əmək haqqı |
Rusiya | 807 $ (58 782 rubl) |
Qazaxıstan | 591 $ (251 508 tengə) |
Belarus | 589 $ (1 472 rubl) |
Ukrayna | 537 $ (14 345 qrivna) |
AZƏRBAYCAN | 428 $ (728,5 manat) |
Ermənistan | 427 $ (206 297 dram) |
Qırğızıstan | 244 $ (20 715 som) |
Özbəkistan | 250 $ (2673 som) |
Tacikistan | 136 $ (1 535 somoni) |