El Salvador prezidenti Nayib Bukele şəxsi tvitter hesabındakı “haqqında” bölümünə “Dünyanın ən “cool” diktatoru”, - yazıb.
Yeniavaz.com xəbər verir ki, Bukele bu addımı ölkədə keçirilən etiraz aksiyalarından sonra atıb. Belə ki, çox sayda insan El Salvadorun Bitkoin kriptovalyutasını qanuni ödəniş vasitəsi kimi qəbul etməsinə qarşı çıxıb. Aksiya iştirakçıları bu addımın yoxsul Latın Amerikası ölkəsinə qeyri-sabitlik və inflyasiya gətirəcəyini vurğulayıblar. Bu səbəblə etirazçılar “Diktator Bukele” yazılan plakatlar qaldıraraq küçələrdə nümayiş keçiriblər. Həmin hadisədən sonra Bukele özü haqqında "Dünyanın ən "cool" diktatoru", - deyə yazıb.
Tətbiqimizi yükləyə bilərsiniz
