Səyyad Əlizadənin vəziyyəti ağır olaraq qalır

Yeni növ koronavirus infeksiyasına (COVİD-19) yoluxan müğənni Səyyad Əlizadənin vəziyyətində müsbət dəyişiklik yoxdur.
Yeniavaz.com APA-ya istinadla xəbər verir ki, bu barədə müğənninin qohumu Razim Qarayev məlumat verib.
O bildirib ki, süni tənəffüs aparatına qoşulan müğənninin vəziyyəti ağırdır:
“Hələ ki, Səyyad bəyin səhhətində heç bir müsbət dəyişiklik yoxdur. Vəziyyəti ağır olaraq qalır. Həkimlər əllərindən gələni edir”
Qeyd edək ki, koronavirusa yoluxan Səyyad Əlizadə bir neçə gün öncə Mərkəzi Gömrük Hospitalına yerləşdirilib və EKMO cihazına qoşulub.