Mahir Emrelinin formasını geyindiyi "Legiya" Avropa Liqasının qrup mərhələsində ilk oyununa çıxıb.
Yeniavaz.com xəbər verir ki, Varşava təmsilçisi səfərdə "Spartak"ın qonağı olub. Millmizin futbolçusu 82-ci dəqəqiyə qədər meydanda mübarizə aparıb. Hücumçu 77-ci dəqiqədə qol vurmağa yaxın olsa da top qapı dirəyinə dəyib. Onu son dəqiqələrdə Tomaş Pexartla əvəz edib. Matçın əsas vaxtına əlavə edilmiş 2-ci dəqiqədə Lirim Kastrati "Legiya"ya qələbə qazandıran qolu vurub - 0:1. Qarşılaşma bu hesabla da bitib.
Qeyd edək ki, C qrupunun digər oyununda İngiltərə "Lester"i İtaliya "Napoli"sini qəbul edəcək.
Tətbiqimizi yükləyə bilərsiniz
