Azərbaycanlı jurnalist Almaniyadan deportasiya olundu

Jurnalist Röya Rəfili 3 övladı ilə birlikdə Almaniyanın Düsseldorf şəhərindən Bakıya deportasiya olunub.

Yeniavaz.com musavat.com-a istinadən xəbər verir ki, senyabrın 13-ü gecə saatlarında Röyanın evinə gələn alman polislər onu hava limanına aparaıb və bir qrup azərbaycanlı ilə bərabər ötən gün Bakı vaxtı ilə saat 15:00-da Almaniyadan deport ediblər.

Təyyarə axşam saatlarında Bakıya enib və deportasiya edilən vətəndaşlarımız Atletlər kəndinə aparılıb. Atletlər kəndindən bildiriblər ki, deportasiya olunan vətəndaşlarımız COVID-19 testindən keçdikdən sonra karantində saxlanılacaqlar.

Qeyd edək ki, Röya Rəfilinin Almaniyaya getməzdən öncəki son iş yeri "Yeni Müsavat" qəzeti olub.