Fransa Xarici İşlər Nazirliyi Əfqanıstanda "Taliban" hökumətini tanımaqdan imtina etdiyini açıqlayıb.
Yeniavaz.com Rusiya mətbuatına istinadən xəbər verir ki, bu barədə Fransanın xarici işlər naziri Jan-İv Le Drian “France 5” telekanalının efirində bildirib.
Le Drian bildirib ki, Fransa bu hökumətlə əlaqədən imtina edir. Nazir həmçinin qeyd edib ki, "Taliban" vədlərinə əməl etmir. Fransalı nazir "Taliban"a səslənib: "Birbaşa nəzarətinizdə olmayan bölgələrə humanitar yardımın pulsuz çatdırılmasına icazə verin, insan haqlarına, xüsusən də qadın hüquqlarına və təhsil hüququna hörmət edin və Əl-Qaidə ilə hər hansı əməkdaşlıqdan imtina edin".