Tokio-2020: Paralimpiayçılarımız 11-ci qızıl medalı qazandı

Azərbaycan üzgüçüsü Vəli İsrafilov Tokio-2020 Yay Paralimpiya Oyunlarında qızıl medal qazanıb.
Yeniavaz.com xəbər verir ki, o, 100 metr məsafəyə brass üsulu ilə üzmə yarışında 1 dəqiqə, 04.86 saniyə nəticə ilə bütün rəqiblərini geridə qoyub.
İsrafilov həmçinin paralimpiada rekordunu da qırıb.
Qeyd edək ki, hazırda aktivində 11 qızıl, 1 gümüş və 4 bürünc medal olan Azərbaycan komandası medal sıralamasında 10-cu yerdə qərarlaşıb.