“Rusiya “Taliban” hərəkatı ilə əlaqələr qurmağa başlayıb”.
Yeniavaz.com xəbər verir ki, bu barədə Rusiya Federasiyası Prezidentinin Əfqanıstan üzrə xüsusi nümayəndəsi, Xarici İşlər Nazirliyinin Asiya İkinci Departamentinin direktoru Zamir Kabulov "Rusiya-24” telekanalının efirində müvafiq sualı cavablandırarkən deyib:
"Əvvəlcə qeyd edim ki, artıq yeni hökumətin nümayəndələri ilə əlaqələr qururuq, səfirliyimiz Kabildə işləyir və olduqca fəaldır. Aydındır ki, bir çoxları kimi, ölkədəki gələcək hərbi-siyasi vəziyyət, insan hüquqlarına riayət və sairlə bağlı müəyyən narahatlıqlarımız var. Lakin bütün bunlarla birlikdə biz özünəməxsus xüsusiyyətlərini, mədəni və dini xüsusiyyətlərini nəzərə almalıyıq”.