Baş pediatr: “Valideynlər gecikdirilmiş peyvəndləri vurdursunlar”


Baş pediatr Erkin Rəhimov uşaqlarda son zaman tez-tez rast gəlinən kəskin bağırsaq infeksiyalarından danışıb. 
Yeniavaz.com xəbər verir ki, E. Rəhimov qeyd edib ki, rotavirus adlanan virus hər yay daha sıx yayılır: “Sadəcə insanda infeksiya törədir. Yoluxmuş olan insan nəcisi ilə bu virusu buraxır. Bu, hər yerdə ola bilər. Çirkli su, əl təmizliyi və.s. İnsandan insana keçə bilər. Uşaqlıq dövründə biz virusu keçirtdiyimiz üçün böyüklərdə nadirən infeksiya törədir. Qızdırma, qarıngetmə, qusmayla özünü büruzə verir. 
Bu virusa böyüklərdə nadir halda rast gəlinir. Şəxsi gigiyenaya çox diqqət etmək lazımdır. Qusma çox varsa, damar yolu ilə mayeni təmin etmək lazımdır”.
E. Rəhimov əlavə edib ki, koronavirus uşaqlarda nadirən çox ağır fəsadlar törədir: “Ancaq valideynlər poliklinikalara getsinlər və rutin olan gecikdirilmiş bir peyvənd varsa, onu vurdursunlar. Uşaqlarınızın sağlamlığı sizin əlinizdədir. Bizdə normal yəni rutin olan peyvəndlərin vurulduğu poliklinikalar var. Orada giriş fərqli, tam sterildir. Uşaqlar tək-tək gəlsinlər və yoluxmasınlar. Ona görə mütləq peyvəndləri vurduraq”.
"Çox sevindiricidir ki, bəzi viruslara qarşı peyvəndlər var. Rotavirusa qarşı da peyvənd mövcuddur. 2-4-cü ayda uşaqlara buna qarşı peyvənd vurulur. 3 dəfə təyin ediləndə isə 2-4-6-cı ayında uşaqlara vurulur. 3 ay yarımı keçəndən sonra o peyvəndi vurmaq olmaz. Belə olan halda şəxsi gigiyenaya riayət etmək lazımdır", -deyə E.Rəhimov əlavə edib.

DİGƏR XƏBƏRLƏR

Top