"Heç bir ölkə hava limanının təhlükəsizliyini başqalarına təslim etmək istəməz" - "Taliban"

"Taliban" Kabil Həmid Karzai adına Beynəlxalq Hava Limanının idarəsini heç bir ölkəyə vermək istəmədiyini açıqlayıb.
Yeniavaz.com xarici KİV-ə istinadən xəbər verir ki, bu barədə "Taliban" hərəkatının Qətərdəki sözçüsü Məhəmməd Naim Vardak məlumat verib:
"Hava limanı Əfqanıstan torpağıdır. Torpaq üçün də, qurum üçün də, şərəf üçün də əfqanlar məsuliyyət daşıyır. Bu suverenlik məsələsidir. Köməklik etmək fərqli bir şeydir, amma hava limanının idarəsi bizim borcumuzdur və biz bunu layiqincə yerinə yetirə bilərik. Niyə qorxurlar? Sizin də xəbəriniz var. Xarici qüvvələr hava limanını idarə edərkən təyyarədən insanlar yerə düşdü. İndi biz hava limanının ərazisini təhlükəsiz hala gətirmişik. Bura bizim ölkəmizdir, evimizdir. Evimizin girişini-çıxışını və nəyin bizim xeyrimizə olduğunu yaxşı bilirik. Dünyanın heç bir ölkəsi hava limanının təhlükəsizliyini başqalarına təslim etmək istəməz. Biz hər kəsdən ölkənin suveren qaydalarına hörmətlə yanaşmağı xahiş edirik".