Ölkə başçısı İlham Əliyevin sərəncamı ilə Mingəçevir Şəhərində yerləşən 12 nömrəli tam orta məktəbin binası əsaslı təmir edilib.
Yeniavaz.com xəbər verir ki, Mingəçevir şəhərində V.Ağakişiyev adına 12 nömrəli tam orta məktəb binasının əsaslı təmiri işlərinin həyata keçirilməsi üçün Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Azərbaycan Respublikasının Təhsil Nazirliyinə ilkin olaraq 1,5 milyon (bir milyon beş yüz min) manat ayrılmışdı. Bu günlərdə məktəbin əsaslı təmir işləri sona çatıb. Aparılan təmir-bərpa işlərindən sonra təhsil ocağının siması tam dəyişib. Məktəb müasir avadanlıqlar, istilik sistemi ilə təhciz edilib. Qeyd edək ki,12 saylı tam orta məktəb 1970-ci ildə tikilib, istifadəyə verilib.
Məktəbddə uzun illər məcburi köçkünlər məskunlaşmışdı. Çox təmirsiz və şəraitsiz olduğundan həm şagird sayı azalmışdı, həm də məktəb çox bərbad gündə idi. Valideyinlər dəfələrlə bununla bağlı aidiyyəti orqanlara üz tuturdular. Onlar da istəyirdilər ki ,övladları təmirli və tam şəraitli məktəbdə təhsil alsınlar. Budur, artıq 12 saylı məktəb müasir formada əsaslı təmir olunaraq şagirdlərin yolunu gözləyir. Bu günlərdə məktəbin direktoru Sevda xanım İsmayılova ilə görüşdük. Sevda müəllimə əvvəlcə onu bildirdi ki, ötən ilin sentyabr ayından məktəb təmirə dayanıb. Hazırda 650 şagird yerlik olan məktəb yeganə məktəbdir ki, prezidentin sərəncamı ilə əsaslı təmir olunur. Mingəçevirdə dövlət büdcəsi hesabına 12 nömrəli məktəb və İnteqrasiya təlimli internat tipli gimnaziyanın da əsaslı təmiri həyata keçirilməkdədir. Direktor bildirdi ki, təmir başa çatıb sadəcə invertarların bəzilərinin gətirilməsi gözlənilir. Məktəb sentyabrın 15-də təhvil veriləcək. O da qeyd olundu ki, artıq məktəbə şagird qəbulu başlayıb. Məktəbin geniş idman zalı, mətbəxi, kitabxana, fənn kabinələri, futbol meydançası, geniş sinif otaqları, akt zalı göz oxşayır.
Direktor uğurlardan da söz açdı. Bildirdi ki, təhsil sahəsi hər zaman dövlət başçısı İlham Əliyevin diqqət mərkəzində olub və artıq bu diqqət, qayğının bəhrəsini hər birimiz görməkdəyik. Mingəçevir şəhəri ənənəvi olaraq təhsildə əldə olunan nailiyyətlərlə daim respublika səviyyəsində ön sıralarda dayanmış və bu ənənə bu gün də davam etməkdədir. Pandemiya şəraiti ilə bağlı məktəblərin müəyyən məhdudiyyətlərlə fəaliyyət göstərməsinə baxmayaraq məktəbimizin əvvəlki illə müqayisədə göstəriciləri yüksəlib. Şagirdlərimiz bir çox layihələrdə iştirak edib. Bu il 32 şagirdimiz məzun oldu, onlardan 27 nəfəri qəbula ərizə verdi , 6 nəfərin nəticəsi az oldu. Qalanları 200-dən yuxarı bal toplayıb. İki nəfər şagird 600-dən yuxarı bal toplayaraq ali məktəblərə qəbul olub.
Qeyd edək ki,12 saylı məktəb vətənpərvərliyi ilə seçilən məktəbdir. 44 günlük Vətən müharibəsində məktəbin iki məzunu Rüstəmzadə Emin və Əsədov Əli şəhidlik məqamına ucalıblar. Məktəbin hərbi hazırlıq və fiziki tərbiyə müəllimi 44 günlük Vətən müharibəsinin ilk günlərindən könüllü olaraq döyüşlərə qatılıb. İkinci Qarabağ müharibəsində Vətənimizin ərazi bütövlüyünün bərpası uğrunda gedən döyüşlərdə qəhrəmancasına iştirak edən Namiq İbrahimli Prezident İlham Əliyevin Sərəncamına əsasən "Şuşanın azad olunmasına görə", "Xocavəndin azad olunmasına görə" və "Füzulinin azad olunmasına görə" medalları ilə təltif olunub.
Sonda direktor bildirdi ki, əminəm, müasir standartlara cavab verəcək məktəbimizdə respublikamızın gələcəyi olan savadlı, bilikli, hərtərəfli inkişaf etmiş gənclər yetişdiriləcəkdir.
Esmira Hidayətova, Mingəçevir
Tətbiqimizi yükləyə bilərsiniz
