“Taliban”ın qurucularından biri “Qəssab Baradar” ləqəbli Molla Abdüqani Baradar 20 il sonra Qətərdən Əfqanıstana qayıdıb.
Yeniavaz.com xarici KİV-ə istinadla xəbər verir ki, 53 yaşlı “Qəssab Baradar” “Taliban”ın qurucularından biridir. Qruplaşmanın əsas liderlərindən olan Molla Ömərin ölmədən əvvəl ən çox bel bağladığı şəxs olub. 3 il Pakistanda həbs olunub. Daha sonra ABŞ-ın istəyi ilə azadlığa buraxıldıqdan sonra Qətərə gedərək orada yaşamağa başlamışdı. Dünən Əfqanıstana qayıdan Molla Abdüqani “Taliban” üzvləri tərəfindən sevinclə qarşılanıb. Bəzi məlumatlara görə, “Qəssab Baradar” “Taliban” lideri olacaq.