"Taliban" bütün Əfqanıstanda nəzarəti ələ aldığını elan etdi – YENİLƏNİB

"Taliban" qüvvələri Əfqanıstanın bütün ərazilərində nəzarəti ələ aldığını elan edib.
 Yeniavaz.com xəbər verir ki, bu barədə "Al Arabiya" məlumat yayıb. "Taliban" paytaxt Kabildə heç bir düşmənçilik münasibətlərinin olmadığını bildirib.
***13:40
Əfqanıstanın daxili işlər naziri Səttar Mirzəkval paytaxt kabilin döyüşsüz təhvil veriləcəyini deyib
Yeniavaz.com xəbər verir ki, nazir bu barədə "tolonews"ə açıqlamasında deyib. O, Əfqanıstan qüvvələrinin sakinlərin təhlükəsizliyini qoruyacağını deyib.
***12:55
"Taliban" Əfqanıstanın paytaxtı Kabilə hücuma keçdi.
Yeniavaz.com xəbər verir ki, bu barədə "reuters" Əfqanıstan Daxili İşlər Nazirliyinə istinadla xəbər yayıb. Silahlı birləşmənin müxtəlif istiqamətlərdən paytaxta doğru irəlilədiyi ancaq, hökumət qüvvələrinin müqavimət göstərdiyi vurğulanıb. 
***12:41
Əfqanıstanın paytaxtı Kabilə yaxınlaşan “Taliban” hökumətlə danışıqlara başlayıb.
Yeniavaz.com xəbər verir ki, bu barədə 1TV telekanalı məlumat yayıb. Taliban” sözçüsü Zabihullah Mücahid isə açıqlamasında Kabilə yaxınlaşan ordularının şəhərə hücum etməməsi üçün əmr verildiyini açıqlayıb.
Hazırda tərəflər arasında danışıqların getdiyi vurğulanıb.

***12:10
“Taliban” qüvələri Əfqanıstanın paytaxtı Kabilə daxil olub.
Yeniavaz.com xəbər verir ki, bu barədə “Reuters” Əfqanıstan Daxili İşlər Nazirliyinə istinadla məlumat yayıb. Bildirilib ki, “Taliban” qüvvələri ölkənin qərbindəki “Kabul” Universitetini nəzarətə götürüb, eyni zamanda rayonlardan birində bayraqlarını qaldırıblar.
Qeyd edək ki, bu gün Kabilə daxil olmaq üçün strateji nöqtə olan Cəlalabad şəhəri döyüşsüz ələ keçirilmişdi.