Putin Türkiyədə yanğınları söndürərkən ölən rus pilotları təltif etdi

Rusiya prezidenti Vladimir Putin Türkiyədə meşə yanğınlarını söndürərkən ölən rus pilotları "Cəsarət" ordeni ilə təltif edib.
Yeniavaz.com xəbər verir ki, bu barədə “TASS” məlumat yayıb. Bildirilib ki, polkovnik-leytenant Vladislav Berkutov, polkovnik-leytenant Vadim Karasev, polkovnik Yevgeniy Kuznetsov, baş leytenant Nikolay Omelçenko, baş çavuş Yuri Çubarov Türkiyədə yanğınların söndürülməsində göstərdikləri cəsarətə və fədakarlığa görə təltif ediliblər.
Xatırldaq ki, Türkiyənin Kahramanmaraş bölgəsindəki yanğına müdaxilə zamanı Rusiyaya aid amfibiya təyyarə qəzaya uğramış türk və rus ekipaj üzvləri həyatını itirmişdi.