Türkiyədə sel fəlakətində ölənlərin sayı yenə artdı - YENİLƏNİB

Türkiyədə sel fəlakətindən ölənlərin sayı 44 nəfərə çatıb.
Yeniavaz.com xəbər verir ki, bu barədə Türkiyənin Təbi Fəlakətlərin və Fövqəladə Vəziyyətlərin İdarəolunması Başqanlığı (AFAD) məlumat yayıb.
Bildirilib ki, Kastamonu vilayətində 36, Sinopda 7, Bartında bir nəfər sel fəlakətinin qurbanı olub.

***13:16
Avqust ayının 11-də Türkiyənin Qaradəniz regionunda 3 vilayətdə meydana gələn selə görə dünyasını dəyişənlərin sayı 41-ə çatıb. 
Yeniavaz.com “Sözcü”yə istinadla xəbər verir ki, bu barədə Təbi Fəlakətlərin və Fövqəladə Vəziyyətlərin İdarəolunması Başqanlığı (AFAD) məlumat yayıb. Qeyd olunub ki, sel fəlakətinə görə Kastamonu vilayətində 34, Sinop vilayətində 6 nəfər dünyasını dəyişib. Bartın vilayətində isə itkin düşən 84 yaşlı Arife Ünalın meyiti bu gün tapılıb.
AFAD-dan bildirilib ki, hazırda sel zamanı müxtəlif xəsarətlər alan 9 nəfərin müalicəsi səhiyyə ocaqlarında davam etdirilir.