Səhiyyə Nazirliyinin baş pediatrı Erkin Rəhimov “ARB 24”ün “Gündəm” verilişində koronavirusa yoluxub, sağalan uşaqlar haqda sualları cavablandırıb.
Yeniavaz.com xəbər verir ki, nazirlik rəsmisi valideyinləri maraqlandıran nüyanslara toxunub: “Risk qrupuna daxil olan bəzi uşaqlar koronavirusu ağır keçirir. Məsələn, bir yaşdan aşağı, hər hansı xroniki, yəni ürək, böyrək xəstəlikləri olan, serebral iflicdən, xərçəngdən əziyyət çəkən, əvvəldən və ya sonradan yaranan immunitet çatışmazlığı olan uşaqlar digərlərinə nisbətən xəstəliyi ağır keçirə bilər”. O bildirib ki, əvvəl düşünürdük ki, koronavirus yalnız qış aylarında yayılır. Lakin sonradan gördük ki, bu, hər cür havada yayılan xəstəlikdir: “Pandemiyanın ilk günlərində uşaqlar çox az xəstələnirdi və xəstəliyi çox yüngül keçirirdi. Ona görə də biz həkimlər deyirdik ki, çox da narahat olmağa dəyməz. Lakin 2020-ci il aprelin sonunda İngiltərədə koronavirusdan sonra kavasaki sindiromuna bənzəyən iltihabi proses müşahidə edildi. Onun adı isə “MİS C” sindromudur. O, sağlam uşağın koronavirusa yoluxub, sağalmasından sonra əmələ gəlir. Başlanğıcda onun müalicəsində çətinliklər çəkdik”.
Tətbiqimizi yükləyə bilərsiniz
