Türkiyədə 3D printer texnologiyası ilə inşa edilən evin GÖRÜNTÜLƏRİ

İstanbul Böyükşəhər Bələdiyyəsinə bağlı “İSTON” (İstanbul Beton Elemanları ve Hazır Beton Fabrikaları) şirkəti 3D printer texnologiyasından istifadə edərək 4 otaqlı ev inşa edib.
Yeniavaz.com "NTV" yə istinadən xəbər verir ki, Türkiyədə ilk dəfə İstanbulun Tuzla bölgəsində inşa edilən ev bir həftəyə tamamlanıb. Bina inşa edilərkən Türkiyənin yerli məhsulu olan 3D printer robotdan istifadə edilib. Mütəxəssislərin sözlərinə görə, 
3D printer texnologiyası ilə inşa edilən evlər ekoloji cəhətdən daha təmiz hesab edilir. Bu zaman divar və qəlib ustalarının əməyinə ehtiyac duyulmadığı üçün ənənəvi tikinti işləri ilə müqayisədə vaxt və maddi xərclər baxımından daha sərfəlidir. 3D printer texnologiyası ilə evlər inşa edilərkən iki və ya üç nəfərdən ibarət texniki qrupların olmasının kifayət olduğu bildirilib.
“İSTON” təmsilçisi Ziya Gökmen Togayın qeyd etdiyinə görə, 3D printer texnologiyası ilə ev inşa edərkən burada ən önəmli məsələ bu texnologiyanın şərtlərinə cavab verən sementə sahib olmaqdır. Şirkət təmsilçisi bu minvalla 3D printer texnologiyası üçün xüsusi bir sement istehsal etdiklərini qeyd edib.