Almaniyada daşqınlar nəticəsində ölənlərin sayı 80 nəfərə çatdı

Almaniyanın qərbində daşqın nəticəsində ölənlərin sayının 80 nəfərə çatdığı bildirilib.
Yeniavaz.com “Bild” qəzetinə istinadən xəbər verir ki, bu barədə Koblenz polisi məlumat yayıb. Şimali Reyn-Vestfaliya federal əyalətində təbii fəlakətin təsirindən ən azı 30, Reynland-Pfaltsda isə 50 nəfərin öldüyü bildirilib. Hüquq-mühafizə orqanları həlak olanların sayının artacağını istisna etmirlər.
Yerli hakimiyyət orqanları təxminən 1 300 nəfərin itkin düşdüyünü təxmin edirlər.
Qeyd edək ki, Almaniyanın qərb və cənub-qərbində iyulun 11-dən bəri davam edən güclü yağışlar dağıdıcı daşqına səbəb olub.