Qusarda avtomobil aşıb, 1 nəfər ölüb, 3 nəfər xəsarət alıb.
Yeniavaz.com "report"a istinadla xəbər verir ki, hadisə, Qusar-Şahdağ yolunun 26-cı kilometrliyində qeydə alınıb.
Ənix kənd sakini, Əmirgünə Firdovsi oğlu Əmiraslanovun idarə etdiyi "Opel"markalı avtomobillə hərəkətdə olan zaman idarəetməni itirib və avtomobili dərəyə aşırıb. Hadisə nəticəsində 1 nəfər ölüb, 3 nəfər ağır xəsarətlər alıb.
Ölən:
1993-cü il təvəllüdlü İsmixan Ədalət oğlu Şəkərov.
Yaralılar:
1994-cü il təvəllüdlü Əmirgünə Firdovsi oğlu Əmiraslanov,
1993-cü il təvəllüdlü Abuçin Osman oğlu Osmanov,
1994-cü il təvəllüdlü Tofiq Əziz oğlu Kərimov.
Qəza zamanı vəfat edən sərnişin İ.Şəkərovun meyiti deformasiyaya uğrayan avtomobildən çıxarılaraq aidiyyəti üzrə təhvil verilib. Yaralılar isə Qusar Rayon Mərkəzi Xəstəxanasına yerləşdirilib.
Faktla bağlı araşdırmalara başlanılıb.
Tətbiqimizi yükləyə bilərsiniz
