Yol polisi qayda pozan sürücülərə qarşı reyd keçirdi

İsmayıllı Rayon Polis Şöbəsinin Dövlət Yol Polisi bölməsinin əməkdaşları tərəfindən şəhər ərazisində, xüsusilə də hərəkətin intensiv olduğu küçə və prospektlərdə dayanma-durma, parklanma qaydalarını pozan, eləcə də səkilərdə, piyada keçidlərində nəqliyyat vasitələrini saxlayan sürücülərin müəyyən edilməsi məqsədilə nəzarət-profilaktiki tədbir keçirilib.
Bu barədə Yeniavaz.com-a DİN-in Mətbuat Xidmətinin Şəki regional qrupundan məlumat verilib.
Keçirilən tədbir zamanı sadalanan qayda pozuntularına yol verən sürücülər polis əməkdaşları tərəfindən aşkarlanıb ki, onlara qaydalar izah edilib və barələrində inzibati protokol tərtib olunub.