Zelenski bu sözlərə görə, Putinə sərt reaksiya verdi

Ukrayna Prezidenti Vladimir Zelenski Rusiya Prezidenti Vladimir Putinə "Birbaşa xətt" verilişindəki çıxışına görə sərt reaksiya verib.
Yeniavaz.com "Sözcü"yə istinadla xəbər verir ki, hər il sözügedən verilişdə rus xalqının suallarını cavablandıran Putin Ukrayna ilə bağlı "ukraynalıları və rusları bir millət kimi görürəm" sözlərini deyib.
Zelenski isə bu sözlərə qarşı sərt reaksiya verib: "Düzdür, ruslarla ukraynalıların çox ümumi cəhətləri var. Tariximizdə, xatirələrimizdə, qonşuluğumuzda, qohumlarımızda, faşizm üzərində ümumi zəfərlərimizdə və paylaşdığımız faciələrdə oxşarlığımız var. Amma bu bizi eyni millətə çevirmir. Əgər,ukraynalılar və ruslar eyni millətdən olsaydılar Ukrayna bayrağı Moskvada, Rusiya Dövlət Dumasında dalğalanmalı və Rusiyada qrivnadan (Ukrayna pulu) istifadə edilməli idi".