Naxçıvana təbii qaz tədarükü ilə bağlı türkiyəli nazirdən açıqlama

Türkiyənin Enerji və Təbii Sərvətlər naziri Fatih Dönməz Naxçıvana Türkiyədən təbii qazın tədarükü ilə bağlı açıqlama verib.
Yeniavaz.com "AA"ya istinadla xəbər verir ki, Fatih Dönməz Naxçıvana təbii qaz kəmərinin çəkilişi ilə əlaqədar sualı cavablandırarkən bildirib ki, prosesin həyata keçirilməsi üçün bəzi məlumatların təsdiqlənməsi gözlənilir: “Azərbaycanın energetika naziri Pərviz Şahbazovla memorandum imzalamışıq. Azərbaycanın bəzi texniki məlumatları təsdiqləməsini gözləyirik. Bu təsdiqlər gələn kimi xəttin inşasına başlayacağıq”.