Ermənistan Türkiyədən idxal olunan mallara qoyulan qadağanın müddətini uzatdı

Ermənistan Türkiyədən mal idxalına qoyulan qadağanın müddətini 6 ay uzadıb.
Yeniavaz.com "Sputnik Armenia"ya istinadla xəbər verir ki, bu barədə Ermənistanın iqtisadiyyat naziri Vahan Kerobyan məlumat yayıb. O bildirib ki, Türkiyədən idxal 70 faizə qədər azalıb. Buna baxmayaraq inşaat materialları, geyim hazırlanması üçün müxtəlif parçalar, ayaqqabı hazırlanması üçün xam maddələr gətirilir. Hazır məhsulların isə Ermənistana buraxılması tamamilə dayandırılıb.