Dünya bazarında Azərbaycanda hasil olunan "Azeri Light" (CIF) markalı neftin 1 barelinin qiyməti bu gün – 17 iyun tarixində 1,34 dollar artaraq 76,52 dollar olub.
Yeniavaz.com xəbər verir ki, "Azeri Light" markalı neftinin qiyməti iyun ayınının əvvəlindən ötən dövr ərzində 8,8% və ya 6,2 dollar bahalanıb.
Məlumat üçün bildirək ki, "Azeri Light" markalı neftinin qiyməti ötən ilin aprel ayının 22-də ən aşağı səviyyəyə - 1 barelinin qiyməti 15,8 dollara düşüb. "Azeri Light" markalı neft ən yüksək qiymətə isə 2008-ci ilin iyul ayında satılıb. Həmin tarixdə 1 barel "Azeri Light" markalı neftin qiyməti 149,66 dollar olub.
Bu gün ICE London qitələrarası birjasında keçirilən ticarət əməliyyatlarının gedişində Brent neftinin dəyəri 1 barelə görə 73,97 dollar təşkil edir.
Nyu-Yorkun NYMEX əmtəə birjasında WTI markalı neftin dəyəri isə bu gün 1 barelə görə 71,73 dollar olub.
Tətbiqimizi yükləyə bilərsiniz
