Sumqayıtda qayınata və qayınanasını döyən şəxslə bağlı açıqlama

Baş Prokurorluq Sumqayıtda qayınatası və qayınanasına yaşadıqları evlərində xəsarət yetirən şəxslə bağlı açıqlama yayıb.
Qurumun Mətbuat xidmətindən Yeniavaz.com-a bildirilib ki, Sumqayıt şəhəri ərazisində 03.06.2021-ci il tarixdə Namiq Ələkbərovun qayınatası və qayınanasına yaşadıqları evlərində xəsarət yetirməsi ilə bağlı Sumqayıt şəhər Polis İdarəsində Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə cinayət işi başlanıb.
Namiq Ələkbərov Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilərək barəsində polisin nəzarəti altına vermə qətimkan tədbiri seçilib.
Hazırda Sumqayıt şəhər polis idarəsində istintaq davam edir.