Türkiyənin Azərbaycandakı Səfirliyi şəhid jurnalistlərlə bağlı başsağlığı verib

Türkiyənin Azərbaycandakı Səfirliyi Kəlbəcərdə mülki şəxslərin minaya düşərək həlak olmasına münasibət bildirib.

Bu barədə səfirliyin "Twitter" səhifəsində paylaşım edilib.

"Bu gün Kəlbəcərdə mina partlaması nəticəsində şəhid olan AzTV-nin operatoru Sirac Abışov, AZƏRTAC-ın müxbiri Məhərrəm İbrahimov və Susuzluq kəndi nümayəndəsi Arif Əliyevə Allahdan rəhmət, kədərli ailələrinə və Azərbaycan mediasına başsağlığı, yaralılara şəfalar diləyirik", - paylaşımda belə deyilir.