Son illər ərzində Azərbaycanda ilk dəfə olaraq 2020-ci ildə əhalinin gəlirlərində azalma qeydə alınıb.
Yeniavaz.com açıqlanan rəsmi məlumatlara istinadən bildirir ki, 2020-ci ildə Azərbaycanda adambaşına düşən aylıq gəlir 291,4 manat olub.
Müqayisə üçün qeyd edək ki, son 10 ildə Azərbaycanda adambaşına düşən aylıq gəlir aşağıdakı kimi olub:
2010-cu il – 144,2 manat
2013-cü il – 214,7 manat
2014-cü il – 230 manat
2015-ci il – 240,5 manat
2016-cı il – 257,8 manat
2017-ci il – 268,4 manat
2018-ci il – 276 manat
2019-cu il – 292,6 manat
2020-ci il – 291,4 manat
Onu da qeyd edək ki, son bir ildə adambaşına düşən aylıq gəlirin dəyişmə tempi ayrı-ayrı iqtisadi rayonlarda fərqli olub. Azərbaycandakı mövcud 11 iqtisadi rayondan 5-də adambaşına düşən aylıq gəlir azalıb, 6-da isə artıb. Əhalinin gəlirləri ən çox Lənkəranda (11,8 manat) azalıb. Ən çox artım isə Yuxarı Qarabağda (8,1 manat) qeydə alınıb.
Son 2 ildə Azərbaycanın iqtisadi rayonları üzrə isə adambaşına düşən aylıq gəlir aşağıdakı kimi olub:
İqtisadi rayonlar | 2019-cu il | 2020-ci il | Fərq |
Naxçıvan MR | 322 manat | 310,7 manat | 11,3 manat azalıb |
Abşeron | 281 manat | 288,7 manat | 7,7 manat artıb |
Gəncə-Qazax | 286,4 manat | 289,3 manat | 2,9 manat artıb |
Şəki-Zaqatala | 276,2 manat | 276 manat | 20 qəpik azalıb |
Lənkəran | 287,3 manat | 275,5 manat | 11,8 manat azalıb |
Quba-Xaçmaz | 285,8 manat | 293,3 manat | 7,5 manat artıb |
Aran | 268,7 manat | 273,7 manat | 5 manat artıb |
Yuxarı Qarabağ | 281,4 manat | 289,5 manat | 8,1 manat artıb |
Dağlıq Şirvan | 283,9 manat | 288,8 manat | 4,9 manat artıb |
Kəlbəcər-Laçın | 299,2 manat | 297,7 manat | 1,5 manat azalıb |
Bakı şəhəri | 326,1 manat | 315 manat | 11,1 manat azalıb |
Qeyd edək ki, dünyada yayılan koronavirus pandemiyası səbəbindən ötən ilin mart ayından etibarən ölkə ərazisində bir sıra məhdudiyyətlər tətbiq olunur. Bu məhdudiyyətlər səbəbindən bu ilin ilk rübü ərzində də əhalinin gəlirlərində azalma olub. Belə ki, ötən ilin ilk rübündə adambaşına düşən aylıq gəlir 312,1 manat olduğu halda, bu ilin ilk rübündə 302,8 manat olub.
A. Cəfərov