Qırğızıstanın keçmiş baş naziri Ömürbek Babanov, keçmiş parlament sədri Asilbek Cinbekov və millət vəkili Torobay Zulfukarov korrupsiyaya görə həbs olunub.
Yeniavaz.com xarici KİV-ə istinadən xəbər verir ki, onların adı Kanadaya məxsus qızıl hasilatı şirkəti "Kumtör"lə bağlı davam etdirilən istintaq işində hallandırılıb. Qeyd edək ki, yeni prezident seçilmiş Sadir Caparov “Kumtör” qızıl mədəninin fəaliyyətindəki korrupsiya hallarının araşdırılacağını açıqlamışdı. Qərarın prezident tərəfindən təsdiqlənməsindən sonra məhkəmə işi başladılmışdı.